Oa Joahr is goar, des nächst´beginnt,
i wünsch´dir, dass vej Freud´n bringt;
dass vej in sich hot des dir g´foit,
denn schließlich werst a neb´nbei oit.

Und wennst moi umschau´gst, dann soist soagn;
i hob mi´guat durchs Leb´n g´schloagn.
Tua net bloß arban, sei a g´scheit
und mach dir sejwa oft a Freid;
denn automatisch geht´s net so,
man kimmt doa net da Reih noach dro.

Frei dich oft an ra kloana Freid
und nimm dir a zum denk´n Zeit;
schau net bloß oiwei solche o,
de wo ma fast beneid´n ko.

Es hot hoit doch a "Jeds" im Leb´n,
sei eig´ne Bahn, sei eig´ns Problem;
ja manchmoi kimmt a schwaara Stoa,
a den muaßt sejbst auf d´Seit´n doa.

Doch siehst a oft bei klarer Nacht,
mit off´ne Augn a Sternenpracht;
mach´s Herz weit auf - und schau guat hie,
es leicht a a Stern für di und mi.

von Maria Bergermeier eingetragen von Gisela Wunde